Swar Aale Duruni

स्वर आले दुरुनी
जुळल्या सगळ्या त्या आठवणी

निर्जीव उसासे वा-याचे 
आकाश फिकटल्या ता-यांचे 
कुजबुजही नव्हती वेलींची 
हितगुजही नव्हते पर्णांचे 
ऐशा थकलेल्या उद्यानी 

विरहार्त मनाचे स्मित सरले
गालावर आसू ओघळले 
होता हृदयाची दो शकले
जखमेतून क्रंदन पाझरले
घाली फुंकर हलकेच कुणी

पडसाद कसा आला न कळे
अवसेत कधी का तम उजळे 
संजीवन मिळता आशेचे
निमिषात पुन्हा जग सावरले 
किमया असली का केली कुणी

गीत - यशवंत देव
संगीत - प्रभाकर जोग
स्वर - सुधीर फडके  

Eka Tatva Naam - lyrics

एक तत्व नाम दृढ धरी मना |

हरिसी करुणा येईल तुझी ||१||

ते नाम सोपे रे राम कृष्ण गोविंद |

वाचेसीं सदगद जपें आधीं ||२||

नामपरतें तत्व नाही रे अन्यथा ,

वायां आणिका पंथा जाशी झणे ||३||

ज्ञानदेवा मौन जप-माळ अंतरी,

धरोनी श्रीहरी जपे सदा ||४||

Swar Aale Duruni - lyrics

स्वर आले दुरुनी
जुळल्या सगळ्या त्या आठवणी

निर्जीव उसासे वा-याचे
आकाश फिकटल्या ता-यांचे
कुजबुजही नव्हती वेलींची
हितगुजही नव्हते पर्णांचे
ऐशा थकलेल्या उद्यानी

विरहार्त मनाचे स्मित सरले
गालावर आसू ओघळले
होता हृदयाची दो शकले
जखमेतून क्रंदन पाझरले
घाली फुंकर हलकेच कुणी

पडसाद कसा आला न कळे
अवसेत कधी का तम उजळे
संजीवन मिळता आशेचे
निमिषात पुन्हा जग सावरले
किमया असली का केली कुणी

गीत - यशवंत देव
संगीत - प्रभाकर जोग
स्वर - सुधीर फडके

Kande Pohe-Lyrics

भिजलेल्या क्षणांना आठवणीची फोडणी
हळदीसाठी आसुसलेले हलावे मन आणि कांती
आयुष्य हे चुलीवरले कढईतले कांदे पोहे

नात्यांच्या ह्या बाजारातून विक्रेत्यांची दाटी
आणि मग म्हणे तो वरचा जुळवी शतजन्मांच्या गाठी
रोज नटावे रोज सजावे धरून आशा खोटी
पण मग मिटुनी लाजळूपरी पुन्हा उघडण्यासाठी

दूर देशीच्या राजकुमाराची स्वप्ने पाहताना
कुणीतरी यावे हळूच मागुनी ध्यानीमनी नसताना
नकळत आपण हरवून जावे स्वतःस मग जपताना
आयुष्य हे चुलीवरले कढईतले कांदे पोहे

भूतकाळाच्या धून अक्षता तांदूळ केले ज्यांनी
आणि सजवला खोटा रुखवत भाडयाच्या भांड्यांनी
भविष्य आता रंगवण्याचा अटट हास हि त्यांचा
हातावरच्या मेहेंदीवर ओतून लिंबाचे पाणी
आयुष्य हे चुलीवरले कढईतले कांदे पोहे

Vadal Vaat-Lyrics

थोडी सागर निळाई थोडे शंख नि शिंपले 

कधी चांदणे टिपूर तुझ्या डोळ्यांत वाचले

कधी उतरला चंद्र तुझ्यामाझ्या अंगणात

स्वप्न पाखरांचा थवा उतरला ओंजळीत 

कधी काळोख भिजला, कधी भिजली पहाट

हुंकारला नदीकाठ, कधी हरवली वाट

वा-या पावसाची गाज, काळे भास गच्च दाट

कधी धूसर धूसर एक वादळाची वाट

Saare Kalat Nakalat Ghadate-Lyrics

मन होई फुलांचे थवे
गंध हे नवे कुठूनसे येती

मन पाऊल पाऊल स्वप्ने ओली हुळहुळणारी माती
मन वा-या वरती झुलते
असे उंच उंच का उडते
मग कोणा पाहून भुलते

सारे कळत नकळतच घडते..(4)

कुणीतरी मग माझे होईल
हात ठेवुनी हाती
मिठीत घेऊन मोज चांदण्या
काळोखाच्या राती

उधळूनी द्यावे संचित सारे
आजवरी जे जपले
साथ राहूदे जन्मोजन्मी
असेच नाते अपुले
असेच नाते अपुले.....

पण कसे कळावे कुणी सांगावे
आज उद्या जे घडते
जरी हवे वाटते नवे विश्व ते
पाऊल का अडखळते
वाहत वाहत जाताना
मन क्षितिजापाशी अडते
तरी पुन्हा पुन्हा मोहरते

सारे कळत नकळतच घडते..(4)